Mae xénos yn gweithio i gyflwyno buddsoddwyr i fusnesau a busnesau i fuddsoddwyr mewn nifer o wahanol ffyrdd. Pan fyddwch wedi cofrestru gyda xénos byddwch yn medru cymryd rhan ym mhob un o'r dulliau canlynol:

Cyfatebiaeth Un-i-Un

• Mae gan fusnesau wasanaethau cydlynydd xénos sy'n gweithio gyda hwy i ganfod os yw proffil y cyfleoedd buddsoddi yn cyfateb â gofynion buddsoddwyr a gofrestrodd gyda xénos. Mae rhwydwaith o gysylltiadau personol ynghyd â chyrchedd i'r rhwydwaith xénos llawn yn gwneud hwn yn wasanaeth amhrisiadwy i fuddsoddwyr a chwmnïau.

Bwletin Misol

• Gwahoddir busnesau i gyflwyno crynodeb 250 i 300 gair yn ddienw o'r cyfle buddsoddiad sydd ganddynt. Mae'r crynodebau, neu hysbysebion, hyn yn ymddangos mewn bwletin misol a anfonir at bob buddsoddwr a gofrestrodd gyda xénos i sicrhau eu bod yn ymwybodol o'r cyfleoedd buddsoddi sydd ar gael iddynt. Mae buddsoddwyr sy'n mynegi diddordeb cadarnhaol mewn busnes wedyn yn derbyn crynodeb 2-3 tudalen o'r cynllun busnes ac os yw eu diddordeb yn para, byddant yn derbyn Cynllun Busnes llawn a chyfle i gwrdd â'r cwmni i drafod y cyfle buddsoddi a'u hymgyfraniad posibl.

Gwasanaeth Cyfateb Cronfa Ddata neu "Cyfatebiaeth Gorau"

• Cedwir manylion blaenoriaethau buddsoddi penodol buddsoddwyr ar gronfa ddata xénos ac mae chwiliad cyfrifiadur yn galluogi xénos i ddynodi'r cwmniau a'r buddsoddwyr sy'n cyfaeb orau yn seiliedig ar y blaenoriaethau a nodwyd.

Ffora Buddsoddi

• Cynhelir ffora buddsoddi rheolaidd ledled Cymru lle caiff busnesau gyfle i roi cyflwyniad ffurfiol ar eu busnes i grwp o ddarpar fuddsoddwyr. Wedyn bydd cyfle i gael trafodaeth anffurfiol ar gyfleoedd buddsoddi a chreu amgylchedd lle gall buddsoddwyr ffurfio syndicatau gan ei gwneud yn bosibl i ddodi buddsoddiadau mwy. Bydd cyfraniad i'r gost o £100 a TAW ar gyfer y fforwm yn daladwy gan gwmnïau'n dymuno manteisio ar y gwasanaeth hwn.

Safle Rhyngrwyd

• Dodir pob Cynnig Buddsoddiad ar safle Rhyngrwyd xénos i fod ar gael i gynulleidfa fydeang o ddarpar fuddsoddwyr os yw'r cwmni'n dymuno hynny.

FEL BUSNES SY'N YMOFYN CYLLID BETH FYDDAF YN EI GAEL GAN xénos?

Mae xénos yn wasanaeth cyflwyno busnes sy'n arbenigo mewn cyflwyno busnesau sy'n ymofyn cyllid twf i fuddsoddwyr mewn dychweliad am gyfran ecwiti yn y busnes.

I fanteisio o xénos rhaid i chi

Mae xénos yn cynnig:

• Asesiad cynhwysfawr o'ch cynllun busnes ac argymhellion ar unrhyw addasiadau sydd eu hangen
• Cymorth i lunio eich crynodeb di-enw ar gyfer Bwletin xénos a gylchredir i gronfa ddata helaeth o fuddsoddwyr yng Nghymru a'r Deyrnas Unedig
• Cofnod am chwe mis ym Mwletin xénos; y mis cyntaf fel cofnod llawn, gyda'r pum mis dilynol fel crynodeb tair llinell
• Cymorth i lunio crynodeb gweithredol 2 dudalen o'ch Cynllun Busnes i apelio at ddarpar fuddsoddwyr
• Cymorth i gyfateb eich busnes gyda chronfa ddata ganolog xénos i ddynodi darpar fuddsoddwyr
• Cyfle i gyflwyno mewn Ffora Buddsoddi rheolaidd a gynhelir ledled Cymru (mae tâl ychwanegol o £100 a TAW yn weithredol)
• Cyrchedd i gronfa ddata'r Rhwydwaith Angylion Busnes Cenedlaethol (NBAN) o fuddsodwyr ar ddim cost
• Cyhoeddi eich cyfle buddsoddiad ar y Rhyngrwyd (os dymunwch)

Ni fydd xénos yn datgelu pwy yw buddsoddwyr os na a hyd y bydd y buddsoddwr/ buddsoddwyr yn rhoi caniatâd penodol i ni wneud hynny. Nid oes unrhyw warant absoliwt y bydd gan unrhyw fuddsoddwr ddiddordeb mewn cynnig buddsoddiad neilltuol. Mae ffi cofrestru o £200 ynghyd â TAW i gofrestru gyda rhwydwaith xénos.

FEL DARPAR FUDDSODDWR BETH ALL xénos GYNNIG I MI?

Mae xénos yn wasanaeth cyflwyno busnes sy'n cyflwyno buddsoddwyr i gwmnïau sy'n ymofyn gwerthu diddordeb ecwiti yn eu busnes er mwyn cael cyllid ychwanegol.

I fanteisio o xénos dylai darpar fuddsoddwyr:

• Fod yn barod i fuddsoddi mewn cwmnïau newydd a sefydledig heb eu dyfynnu sydd â photensial twf sylweddol yng Nghymru
• Bod â rhwng £10,000 a £250,000 ar gael yn rhwydd i'w fuddsoddi
• Cydnabod fod buddsoddiad mewn busnes newydd yn cario risg uchel yn ogystal â phosibilrwydd gwobrau uchel
• Bod yn barod i roi arbenigedd rheolaeth neu wybodaeth arbenigol i'r busnes os bydd angen.

IYn ei dro bydd xénos yn:

• Rhoi gwybodaeth unigryw am gyfleoedd busnes ledled Cymru - newydd a phresennol - a gafodd eu hadolygu gan ymgynghorydd xénos
• Chwilio drwy gronfa ddata xénos i gyfateb eich criteria buddsoddi gyda chwmnïau a gofrestrodd gyda xénos
• Eich hysbysu am amrywiaeth o gyfleoedd busnes newydd drwy gopi misol o Fwletin xénos o gyfleoedd buddsoddi, y bydd y rhan fwyaf ohonynt yn gymwys am gymhellion EIS
• Eich gwahodd i Ffora Buddsoddi a gynhelir ledled Cymru lle bydd cwmnïau sy'n ymofyn buddsoddiad yn gwneud cyflwyniadau a lle bydd gennych gyfle i gwrdd â buddsoddwyr eraill
• Eich gwahodd i Seminarau Buddsoddwyr lle bydd gennych gyfle i rwydweithio gyda buddsoddwyr eraill a derbyn gwybodaeth gyfredol ar bynciau buddsoddiad
• Rhoi cyrchedd i'r cytundebau ar safle rhyngrwyd xénos
• Cynnig cyfleoedd i dderbyn gwybodaeth am ddarpar gyfarwyddiaethau anweithredol

Mae ffi cofrestru blynyddol o £175 ynghyd â TAW i fuddsoddwyr ymuno â'r rhwydwaith xénos. I gofrestru llenwch y Ffurflen Gofrestru Buddsoddwyr (XEN\IRRF01) a Chôd Dethol Sector (XEN\SSG01), ac anfon siec yn daladwy i "xénos" i'r cyfeiriad canlynol

xénos - Adran Gyllid
Prif Swyddfa
Ty Oakleigh
Park Place
Caerdydd
CF10 3DQ

FEL CYNGHORYDD PROFFESIYNOL YNG NGHYMRU, BETH ALL xénos EI GYNNIG I MI?

Mae xénos yn wasanaeth cyflwyno busnes sy'n cyflwyno buddsoddwyr i gwmnïau newydd a chwmnïau sydd wedi'u sefydlu sy'n ymofyn gwerthu diddordeb ecwiti yn eu busnes am gyllid ychwanegol.

Mae xénos yn cynnig cyfle i gynghorwyr proffesiynol gynnig rhywbeth gwahanol i'w cleientiaid. Dim ond gyda chwmnïau heb eu dyfynnu sy'n ymofyn cyllid ehangu neu sefydlu yr ydym yn trafod. Fel arfer mae'r cwmnïau hyn yn cymhwyso am gymhellion treth Cynllun Buddsoddiad Menter (EIS) lle mae posibilrwydd treiglo enillion a/neu osgoi treth incwm.

Nid yw xénos yn ymwneud â'r dyfalwch dyledus a fyddai ei angen wrth ddodi buddsoddiad, ac nid yw ychwaith yn cynnig cyngor buddsoddi i fuddoswyr neu gwmnïau. Fel canlyniad, caiff y ddau barti bob amser eu cynghori i geisio cyngor proffesiynol ar y materion hyn. Dyma lle gall y cynghorydd proffesiynol ychwanegu gwerth i'w cleientiaid.

Fel rhan o'n gwasanaethau, bydd buddsoddwyr preifat yn:

• Cael llif cryf o gyfleoedd buddsoddi ledled Cymru
• Medru cyrchu cwmnïau o bob maint ar draws sbectrwm llawn diwydiant
• Cael cyfle i wneud buddsoddiadau treth-effeithiol dan gynllun EIS
• Cael posibilrwydd lliniaru enillion treth drwy addefiant treigl cymeradwy a darpariaethau cymorth ymddeoliad
• Medru rhwydweithio gyda buddsoddwyr o'r un anian ac efallai syndiceiddio cytundebau mwy
• Mynychu Ffora Buddsoddi a gynhelir yn rheolaidd ledled Cymru
• Cael cyfle i brynu cwmnïau sydd ar werth
• Cael gwybod am swyddi posibl fel cyfarwyddwyr an-weithredol

Bydd cwmnïau sy'n ceisio buddsoddiad yn:

• Cael eu cyflwyno i ffynhonnell sylweddol o gyllid "bwlch ecwiti"
• Cael cyrchedd i ffynhonnell o gyfalaf twf ac arbenigedd rheolaeth
• Medru cyrchu cynulleidfa fyd-eang o ddarpar fuddsoddwyr i'r cynnig dros y Rhyngrwyd
• Gallu cyrchu angylion busnes eraill ledled y DU ar ddim cost ychwanegol
• Cael fforwm i hysbysebu gwerthiant gweithgareddau heb fod yn rhai craidd